‘Sé Oacaim mo Phríosún ♫

Prison Ocaim

Obair uafásach ar fad ócaim a spíonadh.

Amhrán is cáiliúla de chuid Tom Neaine Choilm Uí Lochlainn (1903-65), mac le Micil Pheadair Mhóir Mac Lochlainn & Neaine Choilm Con Rí as Bun an Charnáin in aice leis an Trá Bháin i gConamara.

Rugadh air geábh agus ar a leasathair, Pádhraic Mhicilín Bhríd Mhichíl, ag déanamh poitín, agus cuireadh príosún ar an mbeirt acu. Is cosúil, áfach, nár chuir an giúistís, Seán Mac Giollarnáth (1880-1970), nó Seán Forde mar ab fhearr aithne air, an bheirt acu i bpríosún in éineacht agus gur tugadh cead dóibh na téarmaí príosúnachta a dhéanamh duine i ndiaidh a chéile, mar nach bhféadfadh Neaine Choilm Con Rí a muirín a chothú d’uireasa na beirte.

Ba ag spíonadh ócaim a bhídis sa bpríosún — rud a d’fhag cruth an amhráin oibre ar an amhrán seo — agus spreagann an cheird seo an acmhainn ghrinn ann. Is cosúil go dtáinig sé abhaile agus an t-amhrán déanta aige. Rinne Tom Neaine Choilm amhráin eile freisin, “A ghadaí a ghoid mo phíopa” agus “Amhrán an tslat iascaigh” i measc “Eachtraí Mhuintir Tam,” a cuireadh i gcló ar an nuachtáin Ar Aghaidh idir 1937 agus 1940 agus a foilsíodh i bhfoirm leabhair ina dhiaidh sin: Tomás Ó Lochlainn, Máirtín Mac Donnchadha, Seán Ó Morónaigh, Eachtraí Mhuintir Tam (1980)

— Ciarán Ó Con Cheanainn

Ocaim

Bhí ar na príosúnaigh téad a thógáil as a chéile. Obair fíor-leadránach!

Liricí


Curfá

Is romsa daídil-dó-rum, sé ócaim mo phríosún.
‘S go bhfágadh súgán eorna na h-óglaigh á spíonadh.


1. O molaim súgán eorna go deo, deo & choíchin.
‘Sé an trua nach raibh tóir ag Rí Seoirse ar a dhéanamh.
Seán Forde a bheith ‘na ghiúistís, ‘sé a chomhairleodh na daoine.
Mar ‘sé a chuir mise ag foghlaim le ócaim a spíonadh.


Curfá


2. O osclaíodh dom an stór a raibh ócaim thar maoil ann.
Is thug mé lán mo ghabhlach liom, mo dhóthain go ceann míosa.
Is nach mise a bhain gáire as an ngarda a bhí i mo thimpeall
Nuair a d’iarr mé ar an gceannfort cé air ar fhás an fianach.


Curfá


3. Tá an Éireannach Ui Dhónaill ina chodladh agus imníoch.
Nár ionsaigh na luchain a chuid ócaim san oíche.
Is ar an maidin lá arna mhárach, bhí móide ann á inseacht.
‘By Dad,’ a deir an gobharnóir, ‘Tá an diabhail ar fad déanta.


Curfá


4. Is nach mise a bhíonns go tuirseach ag tochailt is ag scríobadh ann.
ag obair gan fhocail a bhfuil obair ag a smaoineamh
Agus dá n’osclaíodh ort na doirse agus glasannaí na hÉireann
Is chuirfeadsa na tincéirí is a stille riamh i ngéibheann.


Curfá


5. Is nach mise a bhíonn go brónach gach Domhnach is lá saoire,
ag siúl anseo san ngairdín i bhfáinne is mé ag gabhail thimpeall.
Agus siolaim amach na deora i gcónaí nuair a smaoiním
Gur olc an obair liomsa a bheith i gcónaí ar an gcaoi seo.


Curfá X2

Advertisements

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s