Teanga Riachtanach

Cé go bhfuil an t-alt seo le fáil i Slate ag moladh dúinn bheith arlíne inár dteanga féin (aontaím),

sheas an líne seo de amach domsa:

“While technically a language only “dies” when its last speaker does,

this is usually preceded by a number of factors including falling out of use in commerce or politics…”

Cá bhfuil Gaeilge sa pholaitíocht in Éirinn?

Cá bhfuil Gaeilge sna siopaí, sa margadh?

Táimid i mbaol agus caithfear é sin a aithint.

Tá athrú ag teastáil go géar agus go sciobtha!

Athraigh nó gheobhaidh sí bás.

Tosnóimid le cúrsaí polaitíochta.

Tá athrú ag teastáil go géar sa Dáil. Ba chóir go mbeadh an dea-shampla le feiceáil ó na daoine atá i gceannas ar an tír.

  1. Tosaigh ag an mbarr. Ba chóir go mbeadh ár dteanga in úsáid acu sa Dáil agus taobh amuigh de má tá grá acu don chultúr agus má thuigeann siad tabhacht na teangan. Muna dtuigeann, ní chóir go mbeadh siad ann. Dáiríre. Ná glac le leithscéala ná le leisce. Tá sé seo i bhfad ró-phráinneach. Tá daoine oillte uainn.  Déan riail faoi: riachtanas don jab sin.

Samhlaigh é seo as Gaeilge amháin. Tá go leor le déanamh fós! Ní leor frása cosúil le ‘líne beag.’ Nílimid i rang a haon anois. Roghnaigh polaiteoirí le Gaeilge as seo amach.

Tuigim go ndearna sé iarracht ach ní leor é. Tá flúirseacht ag teastáil.

  1. Sa lár leanfaimid ar aghaidh ag caint le chéile ar Twitter agus i mBlaganna ach caithfear na páistí sna scoileanna a tharraingt isteach ann agus teicneolaíocht a bheith le fáil ins na hospidéil, i gcomhlachtaí, i ngach áit arlíne freisin. Iarr ar bhúr gcairde bheith páirteach ann.

Féach ar http://www.newbrooknursinghome.ie/ Buíochas le Dia tá suíomh ar an idirlíon acu faoi dheireadh agus suíomh an-deas! ACH, féach ar gach rud scríofa ann agus ar na comharthaí sna pictiúirí. Cá bhfuil an Ghaeilge? Focal ar bith. Is mór an náire é. Is go bhfios dom níl an idirlíon le fáil san áit sin fós, rud a bheadh iontach áisiúil do na seandaoine istigh ann. D’fhéadfaidís bheith ag tweeteáil linn anseo as Gaeilge. Tá a fhios agam go raibh seandaoine le Gaeilge álainn ansin agus gan seans acu an teanga a úsáid. Tá cúnamh uathu.

  1. Ansin go cúrsaí eacnamaíochta. Tosaigh ag an mbun. Tosaigh sna siopaí le lipéidí dá-theangacha. Bíodh Gaeilge le cloisteáil ó chuile dhuine atá ag obair i siopa sa tír. Chaith siad cé mhéid bliana ar scoil ag foghlaim Gaeilge? Ba chóir go mbeadh siad in ann Fáilte go DunnesFáilte go McDonalds a rá. Ba chóir go mbeadh siad in ann Slán agus beannacht a rá. Ba chóir go mbeadh siad in ann airgead a comhaireamh as Gaeilge. Ba chóir go mbeadh siad in ann An féidir liom cabhrú leat? a rá. Déan riail faoi: riachtanas don jab sin. Agus bíodh muidne ag labhairt leo as Gaeilge.

Réabhlóid?

Seomra folcatha 1

Má tá réabhlóid uainn, bíodh sí i ngach áit. Ná glac le comharthaí i mBéarla amháin i leabharlann, i dteach na seandaoine, i séipéal, i reilig, i leithreas fiú! Thar aon rud eile, labhair Gaeilge le bród, gan náire,le spraoi agus le meas i ngach áit. Seasfaimís suas. Éiligh do chearta daonna. Tabhair moladh do dhaoine a dhéanann iarracht agus glaoigh amach na daoine nach ndéanann iarracht.

Is féidir é a dhéanamh.

siopa caife

An bhfaca sibh an comhartha mar seo taobh amuigh de seomra ranga?

Tóg an teanga amach go na sráideanna agus bíodh na litreacha péinteáilte ar na ballaí!

Post office Ga

Cén fáth an bhfuil an Béarla i bhfad níos mó ná an Ghaeilge?

as lathair

An bhfaca sibh fógra mar seo sa domhan mór?

Tá go leor le déanamh againn roimh deireadh na bliana agus i 2014.

Ní neart go cur le chéile.

Advertisements

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s